ბათუმი წელიდაწის ოთხივე სეზონზე ულამაზესი და საინტერესოა, ყოველთვის შეძლებ აღმოაჩინო რაიმე ახალი, შეიქმნა დაუვიწყარი მოგონებები და გაატარო საუკეთესო დრო მეგობრებთან ან ოჯახის წევრებთან ერთად.

ქობულეთის მუნიციპალიტეტი გამოირჩევა სუბტროპიკული კლიმატით, ცხელი ზაფხულითა და თბილი ზამთრით. ქობულეთი იდეალური ადგილია სანაპიროზე დასასვენებლად და იუნესკოს (UNESCO) მსოფლიო ბუნებრივი მემკვიდრეობის პარკების მოსანახულებლად.

ხელვაჩაურის მუნიციპალიტეტი საქართველოს უკიდურეს სამხრეთ-დასავლეთ ნაწილში, აჭარის რეგიონში მდებარეობს. იგი ცნობილია თავისი განსაცვიფრებელი ბუნებრივი სილამაზით. ხელვაჩაური პოპულარული ადგილია ღია ცის ქვეშ მრავალფეროვანი აქტივობების მოყვარულთათვის.

ედის მუნიციპალიტეტი გამორჩეულია მრავალფეროვანი ბუნებრივი მშვენიერებისა და კულტურულ-ისტორიული ძეგლებით. აქ შეხვდები უძველეს ციხე-სიმაგრეებს და აჭარისთვის დამახასიათებელ შუასაუკუნოვან თაღოვან ხიდებს, რომლითაც დღემდე სარგებლობს ადგილობრივი მოსახლეობა.

მთის ცხოვრების შესასწავლად ერთ-ერთი საუკეთესო ადგილი შუახევის მუნიციპალიტეტია. იგი მდებარეობს მდინარეების აჭარისწყლის და ჩირუხისწყლის შესართავთან, გამორჩეულია უნიკალური ბუნებრივი სილამაზით და ხედებით.

ბუნებრივი სილამაზით და უძველესი კულტურულ-ისტორიული ძეგლებით გამორჩეული ხულოს მუნიციპალიტეტი, მდებარეობს აჭარის მაღალმთიანეთის უმაღლეს წერტილში. აქ განთავსებული საერთაშორისო სტანდარტების მქონე სათხილამურო კურორტი „გოდერძი“ განსაკუთრებით პუპოლარულია სამთო-სათხილამურო აქტივობების მოყვარულთათვის.