თხილამურებით სრიალი და სნოუბორდი

საქართველოში ბევრი საინტერესო და მიმზიდველი სამთო-სათხილამურო კურორტი გვაქვს, სადაც სნოუბორდითა და თხილამურებით სრიალი არის შესაძლებელი, როგორც პროფესიონალებისთვის, ასევე მოყვარულებისთვისაც. ერთ-ერთი კურორტია, ყველასგან გამორჩეული და მრავალფეროვანი ლანდშაფტის მქონე კურორტი გოდერძი. ის საქართველოს სამხრეთ-დასავლეთ ნაწილში, მაღალმთიან აჭარაში, გოდერძის უღელტეხილზე, ზღვის დონიდან 2027 მეტრზე მდებარეობს. კურორტზე ყველა სირთულის მქონე ტრასებია, თუმცა პროფესიონალი ინსტრუქტორების დახმარებით, შესაძლებელია სრიალის ადგილზე შესწავლაც.