ჯომარდობა აჭარაში აქტიური და სათავგადასავლო ტურიზმის ერთ-ერთი ყველაზე პოპულარული აქტივობაა. მარშრუტი მდინარე აჭარისწყალზე, ხელვაჩაურის მუნიციპალიტეტში, მახუნცეთის ჩანჩქერისა და ისტორიული თამარის თაღოვანი ხიდის მიმდებარე ტერიტორიაზე გადის. ეს შესანიშნავი შესაძლებლობაა, ერთდროულად შეიგრძნო მდინარის დინების ენერგია, ადრენალინი და აჭარის ულამაზესი ბუნება.

ჯომარდობაში მონაწილეობა შეუძლია თითქმის ყველა ასაკის ვიზიტორს. ჯომარდობის მარშრუტები საერთაშორისო სირთულის კლასიფიკაციის მიხედვით I-დან VI კატეგორიამდე იყოფა, სადაც VI კატეგორია ყველაზე რთულ და ექსტრემალურ მონაკვეთს წარმოადგენს. გამოცდილი ინსტრუქტორები შეგირჩევენ იმ სირთულის მარშრუტს, რომელიც საუკეთესოდ შეესაბამება შენს სურვილებსა და მომზადების დონეს. მომსახურებაში შედის პროფესიონალი ინსტრუქტორის თანხლება, საჯომარდო ნავი, სამაშველო ჟილეტი და ჩაფხუტი, რაც უსაფრთხო და კომფორტულ გამოცდილებას უზრუნველყოფს.

მახუნცეთის ჯომარდობა დაუვიწყარი თავგადასავალია ოჯახებისთვის, მეგობრების ჯგუფებისა და ექსტრემალური შეგრძნებების მოყვარულთათვის, რომელთაც სურთ აჭარის ბუნება სრულიად განსხვავებული მხრიდან აღმოაჩინონ.

დამატებითი და პრაქტიკული ინფორმაციისთვის ეწვიე ვებგვერდს ან დაუკავშირდით ტურისტულ საინფორმაციო ცენტრს:

🌐 VISIT AJARA
📞 +995 577 90 90 93
📞 +995 577 90 90 91