მაშინ, როცა რეზინის ნავის (ტივის) კიდე კლდეს ეხლება, მაგრად მოეჭიდე და ეცადე თავი შეიკავო. მხოლოდ არ შეაკავო ემოციები, რომლებიც ამ დროს შენში ჩნდება. იგრძენი თავისუფლება, იყვირე ბოლო ხმაზე და მიეცი მოზღვავებულ ადრენალინს საშუალება, რომ მთლიანად მოგიცვას.

სხვა მრავალ შესაძლებლობასთან ერთად, აჭარის ბუნებრივი რესურსი ჯომარდობის საშუალებასაც გვაძლევს. მაღალმთიან აჭარაში, ამ მხრივ, ორი მდინარე გამოირჩევა: აჭარისწყალი და ჭოროხი. ქედის მუნიციპალიტეტის სოფელი მახუნცეთი, ერთ-ერთი გამორჩეული ადგილია ამ ექსტრემალური სპორტის მოყვარულთათვის. 

ჯომარდობის სირთულის კლასიფიკაცია კატეგორიების მიხედვით იყოფა, I დან VI მდე, სადაც მეექვსე კატეგორია ყველაზე რთულ მარშრუტს წარმოადგენს. გამოცდილი ინსტრუქტორები იმ კატეგორიის მარშრუტს შეგირჩევენ, რომელიც მაქსიმალურად დააკმაყოფილებს თქვენს სურვილსა და მომზადების დონეს. ჯომარდობის ორგანიზება შესაძლებელია, როგორც იახტ კლუბში, ასევე ტურისტულ სააგენტოებში.
მზად ხარ ჯომარდობისთვის?
მაშინ ნახე ლოკაციები და ტურისტული სააგენტოები აჭარაში, რომლებიც შენს თავბრუდამხვევ თავგადასავალს ორგანიზებას გაუწევენ.