ხელვაჩაურის მუნიციპალიტეტი საქართველოს უკიდურეს სამხრეთ-დასავლეთ ნაწილში, აჭარის რეგიონში მდებარეობს. იგი ცნობილია თავისი განსაცვიფრებელი ბუნებრივი სილამაზით. ხელვაჩაური პოპულარული ადგილია ღია ცის ქვეშ მრავალფეროვანი აქტივობების მოყვარულთათვის.

მუნიციპალიტეტის ძირითადი ნაწილი მთა-გორიანია, თუმცა დიდი პოპულარობით სარგებლობს მისი სანაპირო ზოლი, ვინაიდან ამ ტერიტორიაზე შავი ზღვა განსაკუთრებული სისუფთავით და გამჭვირვალე წყლით გამოირჩევა. იგი მდიდარია ბუნებრივი რესურსებითა და ისტორიულ-კულტურული ძეგლებით. აქ შესაძლებელია ისტორიული ციხე-სიმაგრეების, ტაძრეების და აჭარაში გავრცელებული თაღოვანი ხიდების ნახვა. 

ხელვაჩაურში ისტორიული უმნიშვნელოვანესი ძეგლია გონიოს ციხესიმაგრე. მის გარშემო აღმოჩენილია მრავალი ნაგებობის ნანგრევები, აბანოები, სამეურნეო იარაღები და სხვ. ისტორიის და ძველებური კულტურის გასაცნობად, ხელვაჩაურში რამდენიმე პოპულარული მუზეუმია, მაგალითად: ხელვაჩაურის მხარეთმცოდნეობის მუზეუმი, ეთნოგრაფიული მუზეუმი „ბორჯღალო“ და სხვა.

გარდა უდიდესი ისტორიისა და კულტურისა ხელვაჩაურის მუნიციპალიტეტი საოცარი ბუნებითაც იზიდავს ტურისტებს. ლაშქობისთვის, პიკნიკისთვის ან უბრალოდ განსატვირთად საუკეთესო გზაა ესტუმრო მტირალასა და მაჭახელას ეროვნულ პარკებს. აქ შეხვდები ულამეზსს აყვავებულ ტყეებს, საოცარ ფლორას, მდინარეებს, ჩანჩქერებსა და სხვა ბუნებრივ სილამაზეს. ასევე შესაძლებლობა გექნება შორიდან გადმოხედო ბათუმის ხედს.  

მაჭახელას ეროვნული პარკი ერთ-ერთი საუკეთესო ადგილია ლაშქრობისათვის. რაც შეეხება მტირალას ეროვნულ პარკს აქ ასევე შესაძლებელია ზიპ-ლაინით სარგებლობა, ფრინველებზე დაკვირვება და თოკების პარკის მონახულება.