უნიკალური  ბუნების მქონე ქვეყანაში და კერძოდ აჭარის რეგიონში, შეუძლებელია არ შეიგრძნო და არ დააგემოვნო  ნატურალური პროდუქტები მისი საუცხოო და საოცარი გემოებით. თუკი საჭმლის მომზადება გიყვარს, ბათუმში სტუმრობისას შეგიძლია სავაჭროდ გახვიდე ბათუმის ცენტრალურ აგრო-ბაზარში, რომელიც ერთ-ერთი უდიდესი სავაჭრო ადგილია აგრარული პროდუქტის შესაძენად. აგრო-ბაზარში შესაძლებელია იყიდო ნატურალური, ხარისხიანი და სუფთა ბოსტნეული, ხილი, რძის ნაწარმი (ყველი, ხაჭო, მაწონი და სხვ.), ხორცეული, მწვანილები, თევზი, სხვადასხვა სახის სუნელები. მსგავსი ინგრედიენტებით შეძლებ შექმნა საუცხოოდ არომატული და ჯანსაღი კერძები. აქვე შეგიძლია შეიძინო  სასაჩუქრე ნაკრები,  ტურისტების უმეტესობა ყიდულობს თაფლს, ჩირებს, ჩურჩხელებს და სხვა ნატურალურ ნუგბარს, რომლებიც გადასაზიდად მოსახერხებელია.

კიდევ ერთი დიდი ბაზარი, სადაც შეძლებ პროდუქტების შეძენას არის ქობულეთის ცენტრალური ბაზარი. Სადაც  განთავსებულია, როგორც ადგილობრივების, ისე საქართველოს სხვა კუთხეების წარმომადგენლების მიერ მოყვანილი ნატურალურად სუფთა და ხარისხიანი პროდუქტები. ბაზარში შესაძლებელია ბოსტნეულის, ხილის, რძის პროდუქტის, ხორცის, მწვანილების შეძენა. ასევე შესაძლებელია, ნატურალური ნუგბარის (თხილეულის, ჩირების, ჩურჩხელების, ტყლაპის) შეძენა.

ჯანსაღი პროდუქტი, შენს მოგზაურობას კიდევ უფრო მეტად შთამბეჭდავს გახდის.