საქმიანი ტურიზმი

თეატრები

ბათუმის კულტურის აღმოსაჩენად ერთ-ერთი საუკეთესო გზაა თეატრებისა და კინოების მონახულება. ბათუმში ერთ-ერთი წამყვანი თეატრია “ბათუმის სახელმწიფო დრამატული თეატრი”, რომელიც 1937 წლის 18 მარტს გაიხსნა. დღეს დღეისობით თეატრი აქტიურად განაგრძობს მუშაობას და მაყურებლს სთავაზობს სხვადასხვა სპექტაკლებსა და წარმოდგენებს.

ბათუმის სახელმწიფო მუსიკალური ცენტრი არის ერთ-ერთი ღირსშესანიშნაობა აჭარის და მთელი ქვეყნისთვის, შენობა წარმოადგენს მოდერნისტულ-კლასიკურ სინთეზს. აქ მთელი წლის განმავლობაში იმართება როგორც საოპერო, ისე დრამატული სპექტაკლები, კონცერტები, ფესტივალები და სხვ.

კიდევ ერთი გამორჩეიული თეატრია - ბათუმის საზაფხულო თეატრი. იგი ნაგებია ხისგან და მდებარეობს ბათუმის ბულვარში. თეატრი დაარსდა 1947 წელს. თეატრში მთელი წლის განმავლობაში იმართება სხვადასხვა სახის კონცერტები და წარმოდგენები. უცხოელების განსაკუთრებელი აქტიურობა შეინიშნება ზაფხულის სეზონზე.

ხულოს მუნიციპალიტეტში შესაძლობლობა გექნება შეისწავლო და იხილო თეატრალური დადგმებიც. პირველი თეატრალური წარმოდგენები ხულოში დაიდგა მე-20 საუკუნის ათიან წლებში, სიკო დოლიძის მეთაურობით. ხულოს თეატრის მშენებლო დაიწყო 1931 წელს და 6 წლის შემდეგ გაიხსნა 1937 წელს სპექტაკლი “ანზორი”-ით.

ხულოს დრამატული თეატრის განვითარებას ხელი შეუწყო სპეციალურად ამ თეატრისათვის მომზადებულმა ჯგუფის შემატებამ. დღეს დღეისობით თეატრი ინტენსიურად განაგრძობს მუშაობას. მისი მონაწილეები ქვეყნის მასშტაბით იღებენ მონაწილეობას სხვადასხვა ფესტივალებსა და კონკურსებში. ხულოს დრამატული თეატრი ასევე თანამშრომლობს საქართველოში მოღვაწე ცნობილ რეჟისორებთანაც.