რელიგიური ღირსშესანიშნაობები

საქართველო და კერძოდ აჭარა მდიდარია თავისი რელიგიური ღირსშესანიშნაობებით. თითოეული მათგანაი განსხვავებული და გამორჩეულია.

სხალთის მონასტერი - მდებარეობს ხულოში, აშენების სავარაუდო თარიღებია XII - XIII საუკუნეები.

სინაგოგა - მდებარეობს ბათუმში. ებრაული სამლოცველო 1904 წელ აიგო.

ხინოწმინდის ნატაძრალი - მდებარეობს სოფელ ხინოში. იგი XVI - XVIII საუკუნეებში წარმოადგენდა ხინოს საეპისკოპოსე ცენტრს.

ღვთისმშობლის შობის სახელობის ბათუმის საკათედრო ტაძარი - ნეო-გოთიკური სტილის ტაძარი აშენებულია 1897 წელს ძმები ზუბალაშვილების მიერ.

სომხურ გრიგონიანული ეკლესია - მდებარეობს ბათუმში და ის აშენებულია ავსტრიელი არქიტექტორის მიერ 1885 წელს.

წმ. ნიკოლოზის ეკლესია - მდებარეობს ბათუმის პიაცას წინ. ჯვარგუმბათოვანი ეკლესია 1865 წელს აშენდა ბათუმელი ბერძენის დაფინანსებით.

წმ. ბარბარეს ეკლესია - მდებარეობს ბათუმის ყოფილ სამხედრო ჰოსპიტალის ტერიტორიაზე. ეკლესიის მშენებლობა დაიწყო 1888 წელს ალექსანდრე III-ის დაფინანსებით.

ზვარეს ეკლესია - მდებარეობს ქედის მუნიციპალიტეტში, სოფელ ზვარეში, ზღვის დონიდან 480 მეტრ სიმაღლეზე. იგი აგებულია 2000 წელს.

წმ. ანდრია პირველწოდებულის ეკლესია - მდებარეობს ბათუმიდან 20 კილომეტრში თურქეთ-საქართველოს საზღვართან. ეკლესია 2012 წელს გაიხსნა.

ახალშენის ფერისცვალების ეკლესია - მდებარეობს ბათუმიდან 7 კილომეტრში, ზღვის დონიდან 100 მეტრზე. ჯვარგუმბათოვანი ტაძარი პონტოელი ბერძნების მიერ არის აგებული XX საუკუნეში.

ყოვლადწმინდა სამების ტაძარი - მდებარეობს სამების მთაზე, ბათუმიდან დაახლოებით 10 კილომეტრში. ტაძარმა ფუნქციონირება დაიწყო 2015 წელს. აქვე მდებარეობს დედათა მონასტერი.

წმ. იოანე ღვთისმეტყველის სახელობის დედათა მონასტერი - მდებარეობს სოფელ კალენდერში. იგი თარიღდება VII-VIII საუკუნეებით. 2015 წლამდე ის ნანგრევად იყო შემორჩენილი.

ბეღლეთის მეჩეთი - იგი ერთ-ერთი საკმაოდ ძველი პერიოდის ნაგებობაა აჭარაში, თუმცა დაიწვა და მისი აღდგენა მოხდა XIX საუკუნეში.

ორთაჯამე - მდებარეობს ბათუმში. აშენებულია XIX საუკუნის 80-იან წლებში.