თუ ზღვის ნაპირზე, სიმწვანესა და მშვიდ გარემოში გსურთ დასვენება, ცურვა და გარუჯვა, აუცილებლად მწვანე კონცხს უნდა ეწვიოთ. მთისა და ზღვის ნოტიო ჰაერის შერწყმის შედეგად აქ განსაკუთრებული ჰავა იქმნება. ამ სიმწვანეში ჩაფლულ ულამაზეს სანაპიროს უამრავი ადგილობრივი და ტურისტი სტუმრობს, რომელთაგან ბევრი ამ ადგილს “მწვანე სამოთხესაც“ეძახის.

მწვანე კონცხზე ზღვის სანაპირო კენჭიანია, წყალი კი საოცრად სუფთა და კრიალა. განსხვავებული ჰავა ხელს უწყობს ზღვის ამ ნაწილში მრავალი სახეობის თევზის არსებობას.  განსაკუთრებული მდებარეობისა და წყლის სისუფთავის წყალობით, მწვანე კონცხთან დაივინგიც შესაძლებელია. ასე, რომ, თუ საზღვაო აქტივობები თქვენი ჰობია, ან, უბრალოდ, წყალქვეშა სამყარო გიზიდავთ,  მწვანე კონცხს აუცილებლად უნდა ესტუმროთ.

მწვანე კონცხის გარშემო ბევრი კაფე, რესტორანი და სასტუმროა, რაც უფრო კომფორტულს გახდის თქვენს დასვენებას.

დამატებითი და პრაქტიკული ინფორმაციისთვის ეწვიე ვებგვერდს ან დაუკავშირდით ტურისტულ საინფორმაციო ცენტრს:

🌐 VISIT AJARA
📞 +995 577 90 90 93
📞 +995 577 90 90 91