თუ ზაფხულის შვებულების გატარება მშვიდ და მყუდრო ადგილას გსურთ, სუფთა, კამკამა წყალი და ზღვისა და მთის ულამაზესი ხედები კი თქვენი პრიორიტეტია, ბათუმიდან 20 კილომეტრში, თურქეთის საზღვართან მდებარე სარფის სანაპიროზე უნდა მოხვდეთ.

სარფის სანაპიროს სიგრძე მხოლოდ 3 კილომეტრია, თუმცა აჭარის სანაპიროებიდან ის ერთ-ერთი საუკეთესოა თავისი მთაგორიანი ბუნებით, წვრილკენჭოვანი სანაპიროთი და გამჭვირვალე წყლით.

სარფი საკურორტო ზონაცაა. ამ  ტერიტორიის  სამკურნალო თვისებებს  ზღვისპირა ნოტიო სუბტროპიკული ჰავა და სუფთა ზღვა განაპირობებს, რაც განსაკუთრებით უხდება სასუნთქი გზებისა და ნერვული სისტემის დაავადებების მქონე ადამიანებს.  

სარფის სანაპიროზე მრავალფეროვანი საზღვაო აქტივობებითაც შეგიძლიათ დაკავდეთ. ასევე, თუ დაივინგის მოყვარული ხართ, წყალქვეშა სამყაროთი ინტერესდებით და ცოტა ექსტრემიც მოგწონთ, სარფის სანაპირო ერთ-ერთია, სადაც შეძლებთ შავი ზღვის ფსკერისკენ ჩაყვინთოთ და თვალი შეავლოთ რიფებსა და თევზებს.

დამატებითი და პრაქტიკული ინფორმაციისთვის ეწვიე ვებგვერდს ან დაუკავშირდით ტურისტულ საინფორმაციო ცენტრს:

🌐 VISIT AJARA
📞 +995 577 90 90 93
📞 +995 577 90 90 91