ქობულეთის ფიჭვნართან ახლოს მდებარეობს ატრაქციონთა პარკი „ციცინათელა“, რომელიც წარმოუდგენელ ემოციასა და ადრენალინს ჰპირდება როგორც პატარებს, ასევე მოზრდილებსაც. ეს არის  გასართობი პარკი მრავალფეროვანი, სხვადასხვა აქტივობის და სირთულის ატრაქციონებით, რომელთაგან 8 საბავშვოა, 17 საოჯახო,  11 კი ექსტრემალური და მხოლოდ ზრდასრულთათვის არის განკუთვნილი. სწორედ ამიტომ, გასართობ პარკში “ციცინათელა” ნებისმიერი ასაკის ადამიანი იხალისებს და კარგ დროს გაატარებს.

ატრაქციონების პარკი „ციცინათელა“, ძირითადად, ზაფხულში მუშაობს. მას ერთი სეზონის განმავლობაში დაახლოებით 500 ათასი ადამიანი სტუმრობს, რომელთაგან, რასაკვირველია, უმრავლესობა ბავშვია. აქვეა სათამაშო ავტომატების დარბაზი, საბავშვო ლაბირინთი „ბედნიერი ქალაქი“, ბოულინგი და კარტინგი, სადაც ყველაზე კარგად ერთობიან მეგობრები. 

უამინდობის შემთხვევაში პარკი აგრძელებს მუშაობას დახურულ შენობებში. 

“ციცინათელაში” ატრაქციონებზე გართობის შემდეგ, სტუმრებს შეუძლიათ დაისვენონ და გაგრილდნენ კვების ობიექტებში. აქვეა განთავსებული ყავის სახლი და ბარი.

დამატებითი და პრაქტიკული ინფორმაციისთვის დაუკავშირდით ტურისტულ საინფორმაციო ცენტრებს 577 90- 90- 93/91 ან ეწვიეთ ვებგვერდს VISIT AJARA