თუ ბულვარში გასეირნებას გადაწყვეტ ის აუცილებლად საოცრებათა პარკიდან უნდა დაიწყო. იგი მდებარეობს ბულვარის დასაწისში. მისი გავლით შესაძლებლობა გექნება დაათვალიერო სხვადასხვა ღირსშესანიშნაობები, რომელთა შორისაც არის ანბანის კოშკი, “ალი და ნინო”, პანორამული ბორბალი, ბათუმის შუქურა, “მე შენ და ბათუმი”

სეირნობისას შეიგრძნობ შავი ზღვის ნოტიო ჰაერს, ასევე საშუალება გექნება დაისვენო და ჩამოჯდე სკვერში არსებულ სკამებზე. ასევე აღსანიშნავია ის ფაქტი რომ საოცრებათა პარკში ხშირად ტარდება კონცერტები და ფესტივალები. საუკეთესო დრო ფესტივალების და კონცერტების დასასწრებად არის ზაფხული. ბათუმში ხშირად იმართება სხვადასხვა სახის ფესტივალები.

საოცრებათა პარკი არა მხოლოდ ფეხით მოსიარულელთათვის არის კარგი არამედ ველოსიპედით მოძრაობისთვისაც. შეგიძლია სწრაფად და აქტიურად დაათვალიერო პარკის მიდამოები და ღირსშესანიშნაობები, შემდეგ კი გზად შეუერთდე ბათუმის ბულვარის საველოსიპედო ბილიკს.