თუ ექსტრემის მოყვარული ხარ აუცილებლად უნდა გამოსცადო საზღვაო აქტივობები. აჭარის მრავალფეროვნება გაძლევს საშუალებას ზაფხულის ცხელ დღეებში არ მოეშვა და გაგრილდე ზღვაში სხვდასხვა აქტივობებით, მათ შორის ერთ-ერთი გამორჩეულია წყლის სკუტერით გასეირნება.

იგრძენი სიჩქარის მღელვარება ტალღებზე, წყლის სკუტერით სეირნობისას. აჭარას აქვს რამდენიმე საუკეთესო ადგილი, იზოლირებული სანაპირო ზოლით, რომელიც განკუთვნილია სკუტერის დასაქირავებლად და ღია ზღვაში გასასეირნებლად.

სკუტერის დაქირავება შესაძლებელია აჭარის სანაპიროების სხვადასხვა ლოკაციებზე, მათ შორის კვარიათში და ქობულეთში. მათი პოვნა ძალიან მარტივია, რადგან სკუტერები განთავსებულია სანაპირო ზოლებზე. სკუტერით სარგებლობა შესაძლებელია, როგორც ინდივიდუალურად, ასევე პარტნიორთან ერთად. ეს ერთ-ერთი საკუთესო გზაა მეგობრებთან ერთად დროის სახალისოდ გასატარებლად და საუკეთესო მოგონებების შესაქმენლად..

დროებით შეისვენე ქალაქის აქტივობებისგან და არ გამოტოვო შანსი გამოსცადო აჭარის სხვადასხვა სანაპიროების სილამაზე, დატკბე ზღვის უწყვეტი ჰორიზონტითა და მისი მშვენებით.