ხულო-თაგოს საბაგირო გზა გაიხსნა 1985 წელს, ის მდეობარეობს აჭარაში, ხულოს მუნიციპალიტეტში. ტურისტული ლოკაციისა და ფუნქციის გარდა საბაგირო აკავშირებს დაბა ხულოსა და სოფელ თაგოს. მანძილის დაფარვა შესაძლებელია 8 წუთში. სწორედ ამიტომ ადგილობრივები მას ტრანსპორტად გზის შემოკლების მიზნით იყენებენ.

თაგოს საბაგიროს მოწყობა უკავშირდე ცნობილ ინჟინერსა და არქიტექტორს შოთა ორჯონიკიძეს. აღსანიშნავია ის ფაქტი რომ ხულო-თაგოს საბაგირო გზა სიგრძითა და სიმაღლით მსოფლიოში მეორე ადგილზეა. უსაყრდენო საბაგირო გზის სიგრძე  არის 1720 მეტრი. ხოლო სიმაღლე არის 280 მეტრი.

საბაგიროთი მგზავრობისას შესაძლებლობა გექნება დატკბე ხულოს ულამაზესი პანორამული ხედებით, მაღლიდან შეძლებ დაინახო ულამაზესი მწვანე ტყეები, ზამთარში კი თვალი გადაავლო გადათეთრებულ ტყის ფონს. სწორედ ამიტომ ტურისტები ამ ადგილს ხშირად სტუმრობენ.