ზაფხულის ფესტივალები

ზაფხულის ფესტივალები

თქვენ დგახართ ხალხის შუაგულში,  წინ კი სცენაა. თქვენ ერთ-ერთი ხართ მრავალთაგან, მაგრამ ასევე რაღაც უფრო დიდის ნაწილი. მუსიკა, ხალხი და საკვები კი სრულყოფილ ჰარმონიაშია ერთმანეთთან. აი რატომ მოგვწონს ზაფხულის ფესტივალები. კვლევებით მტკიცდება, რომ ამ დროს განცდილისა და ნანახის ეფექტი ფესტივალების დასრულებიდან დიდი ხნის შემდეგაც გრძელდება.

და სწორედ ამიტომ, რა შეიძლება იყოს აჭარაზე უკეთესი ზაფხულში, როდესაც სხვადასხვა ფესტივალები და ღონისძიებები იპყრობს დამსვენებელთა ყურადღებას? მზიან სეზონზე აჭარა მღერის, ცეკვავს და ცხოვრებით ტკბება. ეს შესანიშნავი მომენტია იმისთვის, რომ აღმოაჩინოთ აჭარა და ბათუმი და  დამუხტოთ „ბატარეები“ მთელი წლისთვის სამყოფი ენერგიით.

შავის ზღვის ჯაზ-ფესტივალი - თუ მელომანი ხართ ან უბრალოდ გიყვართ მუსიკის მოსმენა, მაშინ დროა ეს ფესტივალი თქვენ კალენდარზე მოინიშნოთ. ყოველი წლის ივლისში მზის, ზღვისა და საოცარი მუსიკის ნაზავი, სწორედ ბათუმში გელოდებათ. სხვადასხვა მუსიკოს-შემსრულებლელი, როგორიცაა მარკუს მილერი, ტანია მარია, მასეო პარკერი, როი ჰარგრუვი, მეისი გრეი, სტენლი ჯორდანი, ლარი გრეჰემი, ჯონ სკოფილდი, ელ ჯერო, მაიკ სტერნი, ვიქტორ ვუტენი, სნუპ დოგი, ლივ ვორფილდი, ლიზა სტენფილდი, ქვინსი ჯონსი, ჯამიროქვაი, ფესტივალის ფარგლებში უკვე ეწვივნებ ბათუმს.

ბათუმის ჯაზ-ფესტივალს 15 წლის ისტორია აქვს. ფესტივალის განმავლობაში მსმენელს შეუძლია ჯაზის გარდა სხვადასხვა ტიპის მუსიკასაც მოუსმინოს.
საფესტივალო დღეებში, და არა მხოლოდ, ბათუმი მეტამორფოზას განიცდის და რამდენიმე დღით, შავი ზღვის სანაპიროს მუსიკალურ დედაქალაქად გადაიქცევა. 
 
ზაფხულის ფესტივალი - ყოველწლიურად იმართება და ადგილობრივებსა და დამსვენებლებს ამცნობს, რომ ბათუმი და მთლიანად აჭარა საზღვაო სეზონს იწყებს.
ფესტივალის მიმიდნარეობისას ზღვის სანაპიროს მთლიანი ტერიტორია მორთულია ფერადი, კაშკაშა და ზაფხულის შესაფერისი დეკორაციით, მანიშნებლებითა და განათებებით. ამ დღეებში სპეციალურად მოწყობილ სცენაზე სხვადასხვა შემსრულებლები დილიდან გვიან ღამემდე ზრუნავენ ფესტივალის სტუმართა ხალიასიან განწყობაზე.

ასევე ტარდება აქტივობები, შეჯიბრებები სხვადასხვა თამაშებში, როგორცაა მაგიდის ჩოგბურთი, ქვიშის ფრენბურთი და სხვა. აქ აუცილებლად იპოვით ბავშვებისთვის საინტერესო გასართობებ, რაზეცანიმატორები ზრუნავენ და ამზადებენ ფესტივალის ყველაზე პატარა სტუმრებისთვის.
ფესტივალის დღეს და არამარტო შეძლებთ იახტითაც გაისეირნოთ და ღია ზღვიდან დატკბეთ ბათუმის  მომხიბვლელი სანაპიროებითა და პეიზაჟებით.

ტერიტორია გარშემორტყმულია ბუნგალოს ტიპის ღია კაფე-ბარებით, სადაც შესაძლებელია სხვადასხვა სახის საზაფხულო გემრიელობების, უალკოჰოლო თუ ალკოჰოლიანი სასმელების დაგემოვნება.
ფესტივალის მთავარი მიზანია  საზაფხულო, საზღვაო და მხიარული განწყობის შექმნა, რასაც ბათუმი მთელი სეზონის განმავლობაში სთავაზობს სტუმრებს.
 
თაფლის ფესტივალი - აჭარაში მეფუტკრეობას მრავალსაუკუნოვანი ისტორია აქვს და უნიკალური ტრადიციებით გამოირჩევა. დღევანდელი მონაცემებით, აჭარა თაფლის წარმოების მიხედვით, ერთ-ერთი წამყვანი რეგიონია საქართველოში. ადგილობრივი თაფლი განსაკუთრებული გემოვნური თვისებებით ხასიათდება, ვინაიდან მისი შეგროვება აჭარის რეგიონში არსებული ეკოლოგიურად სუფთა და მრავალფეროვანი გარემოდან ხდება.

სწორედ ამ კულტურის შენარჩუნებასა და განვითარებას ემსახურება ფესტივალი, რომელიც ბათუმში 2015 წლიდან იმართება და ქალაქის სტუმრებსაც აძლევს შესაძლებლობას, გაეცნოს აჭარაში თაფლის მოპოვების უნიკალურ ტრადიციებსა და ისტორიას.

ყოველწლიურად ფესტივალში სხვადასხვა რეგიონებიდან მეფუტკრეები მონაწილეობენ,  რომლებსაც საქართველოში არსებული უნიკალური თაფლოვანი მცენარეებისგან დამზადებული პროდუქციას წარმოადგენენ.  
ღონისძიების ფარგლებში ასევე იმართება სხვადასხვა გასართობი ღონისძიებები, კონკურსები, მასტერკლასები.