თუ ძველი ისტორიებითა და არტეფაქტებით ხარ დაინტერესებული ბათუმის არქეოლოგიური მუზეუმი საუკეთესო ადგილია იმასთვის რომ აღმოაჩინო საქართველოს და აჭარის რეგიონის ისტორია და მისი ნაკვალევი. მუზეუმის საექსპოზიციო დარბაზებში გამოფენილია ქვის, ბრინჯაოს, რკინის, ანტიკური, ელინისტური, რომაული, ბიზანტიური და გვიანი შუასაუკუნეების ხანის არტეფაქტები. მათი უმეტესობა არქეოლოგიური გათხრების შედეგად აღმოჩენილია სამხრეთ-დასავლეთ საქართველოს ტერიტორიებზე, კერძოდ ქობულეთში, მახვილაურში, ციხისძირში, გონიო-აფსაროსში, აჭარისწყლის ხეობაში და სხვ.

კურორტ ბეშუმთან აღმოჩენილი არტეფაქტები არის ყველაზე უძველი ქვის იარაღები, რაც განთავსებულია მუზეუმში. რომელთა თარიღი განისაზღვრება 300-400 ათასი წლით.

მუზეუმის კოლექციებში დაცულია ოქროს, ვერცხლის, ბრინჯაოსა და რკინის საინტერესო ნუმიზმატიკური და გლიპტიკური ძეგლები. მუზეუმში ასევე მნიშვნელოვანი ადგილი უკავია კოლხური ოქრომჭედლობის ნიმუშებს.

მუზეუმის ისტორიულ შენობას 2004 წლიდან მინიჭებული აქვს კულტურული მემკვიდრეობის უძრავი ძეგლის სტატუსი.