ბათუმი ტოპ 10
ბათუმი ისეთი ქალაქია, სანახავსა და აღმოსაჩენს ნამდვილად ვერ ამოწურავ, გთავაზობთ ტოპ 10 ადგილს, რომელიც აქ ყოფნისას აუცილებლად უნდა მოინახულო.
Batumi is a city brimming with sights and experiences waiting to be explored. Here are the top 10 must-see attractions during
ანბანის კოშკი
მდებარეობს ბათუმის ქალაქის ცენტრში საოცრებათა პარკში. ეს არის ქალაქის ერთ-ერთი ყველაზე უცნაური და ყველაზე სიმბოლური ატრაქცია, რომელიც ეძღვნება ქართულ ანბანს. ქართული ანბანი ითვლება ერთ-ერთ უძველეს და ულამაზეს დამწერლობად, რომელიც დღესაც გამოიყენება მსოფლიოში. ეს ცნობილი ხუთსართულიანი ანბანური კოშკი, რომელიც შექმნილია დნმ-ის სტრუქტურის გასამეორებლად, არის 130 მეტრი სიმაღლისა და მასზე დატანილია ქართული ანბანის 33-ვე ასო. ის ყოველ საათში ბრუნავს 360 გრადუსით და აქვს საინფორმაციო ცენტრი, რესტორანი და სადამკვირვებლო სივრცე.
“ალი და ნინოს” ქანდაკება
ეს კოლოსალური, ავტომატიზირებული ქანდაკება, რომელიც მდებარეობს ბათუმის ზღვის სანაპიროზე, მოგვითხრობს შეყვარებულების, ალისა და ნინოს, ტრაგიკულ ისტორიაზე, რომელიც პირველად 1937 წელს გამოსულ ავსტრიულ რომანში „ალი და ნინო“ იყო მოთხრობილი. ალის, აზერბაიჯანელ მუსულმანს, შეუყვარდება ქართველი ქრისტიანული რელიგიის მატარებელი პრინცესა, ნინო, მაგრამ სამწუხაროდ, ალის მოკლავენ მსოფლიო ომში. ამ ამბავმა შთააგონა ქართველი მხატვარი თამარა კვესიტაძე და 2010 წელს მან შექმნა მონუმენტური მოძრავი ქანდაკება სახელად “ალი და ნინო”. გიგანტური ლითონის ნამუშევარი მოიცავს ორ გარკვეულწილად გამჭვირვალე ფიგურას. მთელი დღის მანძილზე, ყოველ 10 წუთში ქანდაკება აკეთებს წრიულ მოძრაობას, ორი ფიგურა ტრიალდება ერთმანეთისკენ და საბოლოოდ ერწყმის ერთმანეთს.
იუნესკოს (UNESCO) მსოფლიო ბუნებრივი მემკვიდრეობის ძეგლები - აჭარის ეროვნული პარკები
2021 წელს საქართველოს ოთხ ეროვნულ პარკს იუნესკოს (UNESCO) მსოფლიო ბუნებრივი მემკვიდრეობის სტატუსი მიენიჭა. სამი მათგანი აჭარაში მდებარეობს - მტირალას ეროვნული პარკი, ქობულეთის დაცული ტერიტორიები და კინტრიშის დაცული ტერიტორიები - ბათუმი ყველა მათგანის კარიბჭეა.
დამატებითი ინფორმაციისთვის შეგიძლიათ ეწვიოთ ვებგვერდს: https://whc.unesco.org/en/list/1616/
ბოტანიკური ბაღი
აღმოაჩინე მსოფლიოში უიშვიათესი და ულამაზესი მცენარეები - მათგან დაახლოებით 5000 მცენარე, 2000-ზე მეტი ხის სახეობა, ამ 110 ჰექტარის ფართობის ბაღშია გაშენებული, რომელიც მდებარეობს ბათუმიდან ჩრდილოეთით 9 კმ-ში, მწვანე კონცხის ფერდობებზე. ბაღში სხვადასხვა მცენარეებს შორის იაპონური საკურა, კანარის ფინიკის პალმა, კაქტუსები, ბამბუკები, პალმები, მაგნოლიები და კვიპაროსები არიან.
ბათუმის ბულვარი
ბათუმის ყველაზე ხშირად მონახულებული ატრაქცია ბათუმის ბულვარია. ამ 7 კილომეტრიან ზღვისპირა ბულვარს აქვს ოთხი ისტორიული ხეივანი, ველოსიპედის ბილიკი და 40000-ზე მეტი ხე და მცენარე. ასევე ბაღს ამშვენებს ანტიკურ სტილში გადაწყვეტილი ულამაზესი კოლონადები, რომელთა მშენებლობა დაიწყო 1881 წელს.
ძველი ბათუმი, ბათუმის პიაცა
ბათუმის ერთ-ერთი ყველაზე პოპულარული ატრაქცია, იტალიური სტილის პიაცას მოედანია. იგი დამშვენებულია ცენტრალური მოზაიკით, რომელიც მოიცავს 106 კვ.მ. აქ ასევე არის მდიდრული სასტუმროები, მრავალფეროვანი რესტორნები, მიმზიდველი არქიტექტურა და ცნობილი საათის კოშკის სახლი.
ევროპის მოედანი, მედეას ქანდაკება
ბათუმის ევროპის მოედანი ამ სახელწოდებით ასახავს ქართველი ხალხის მისწრაფებას, რათა საქართველო შეუერთდეს ევროპულ ქვეყნებს და დასავლურ ღირებულებებს. აღსანიშნავია, რომ მოედანზე მდებარე ღირსშესანიშნაობები ასევე შემოქმედებითად აკავშირებს ქალაქის ამ მემკვიდრეობას შორეულ და ახლო წარსულთან. მის ცენტრში განთავსებულია მედეას ქანდაკება - სკულპტურა, სადაც გამოსახულია კოლხეთის მეფის აიეტის ასული მედეა. ქანდაკება მოგვითხრობს ცნობილი ლეგენდის ისტორიის “არგონავტების მითის” შესახებ, როცა მეფის ასულ მედეას შეუყვარდება არგონავტების გმირი - იასონი და სწორედ მედეა დაეხმარება იასონს “ოქროს საწმისის” მოპოვებაში. ლეგენდის თანახმად, ისინი ერთად გაიტაცებენ ოქროს საწმისს, ცნობილი ხომალდით სახელად „არგო“. ოქროს საწმისი ახლა საქართველოს კეთილდღეობისა და დიდების სიმბოლოა. ბათუმის ევროპის მოედანზე ასევე, განთავსებულია რესტორნები, მაღაზიები და სასტუმროები, ასევე მოცეკვავე შადრევანი.
აჭარის არქეოლოგიური მუზეუმი
1994 წელს გახსნილი ეს მუზეუმი ითვლება ერთ-ერთ საუკეთესო არქეოლოგიურ მუზეუმად საქართველოში, სადაც გამოფენილია ოქროს დიდი კოლექციები აჭარის რეგიონიდან. აქ არის 23000-ზე მეტი არტეფაქტი, რომელიც მოიცავს მრავალ ეპოქას, ასევე ფოტო არქივს, სამეცნიერო ბიბლიოთეკას, კერამიკულ სახელოსნოს და სარესტავრაციო ლაბორატორიას, სადაც თითოეული ექსპონატი არის გადაღებული და გრაფიკულად აღდგენილი. მუდმივი გამოფენა, რომელიც მუზეუმის დამთვალიერებლებს ამოგზაურებს ძველი საქართველოს ხანაში. მუზეუმი გაიხსნა 2007 წელს და მას შემდეგ პოპულარულია.
გონიოს ციხე
გონიოს ციხე ბათუმთან ახლოს მდებარეობს, ის ასევე ცნობილია, როგორც გონიო-აფსაროსის ციხე. საქართველოში უძველესი ციტადელია და რომის იმპერიის პერიოდით თარიღდება. ციხე აჭარის რეგიონში, ქალაქ ბათუმთან 4,5 ჰექტარი უკავია, გონიოს ციხე საქართველოს უძველესი წარსულის უმნიშვნელოვანეს ძეგლს წარმოადგენს.
ფრინველებზე დაკვირვება
აგვისტოს თვის მეორე ნახევრიდან ოქტომბრის შუა რიცხვებამდე მილიონზე მეტი მტაცებელი ფრინველი გადაიფრენს ვიწრო, 10 კილომეტრიანი მიგრაციული დერეფნის გასწვრივ ცაში. სხვადასხვა სახეობის მილიონზე მეტი მტაცებელი ფრინველი ფიქსირდება ამ პერიოდში, რომლებიც გადიან ამ მარშრუტს თბილ ქვეყნებში გადასაფრენად. ფრინველებზე დაკვირვება შავი ზღვის რეგიონში სწრაფად საინტერესო და მოთხოვნადი აქტივობაა, როგორც ტურისტებისთვის ასევე ფრინველებზე დამკვირვებელი მეცნიერებისთვის. ეს მიმართულება მზარდ ტურისტულ ატრაქციად იქცა.