გოდერძის სათხილამურო კურორტი - მთის მაღალი მწვერვალები ზღვასთან ახლოს

აჭარის რეგიონი გამორჩეულიია ზამთრის კურორტებით, მთის შესანიშნავი კერძებითა და  ალპური სათხილამურო ადგილებით. აჭარის მაღალმთიან სოფლებში, შეგიძლიათ დააგემოვნოთ ადგილობრივი ავთენტური კულინარული კერძები, ესტუმროთ  მთის ქოხებს  და ისიამოვნოთ თვალწარმტაცი ხედებით.

აჭარის რეგიონის გეოგრაფიული მდებარეობა „მცირე კავკასიონსა“ და შავ ზღვას შორის წარმოადგენს რელიეფის საუკეთესო კომბინაციას. ზღვაზე წარმოიქმნება დაბალი წნევის ზონები, რომლებიც ქმნიან თოვლის ჭარბ რაოდენობას და აწვდიან მცირე კავკასიონის მთიან ზოლს. ზღვის სიახლოვე მაღალ მწვერვალებთან უზრუნველყოფს უხვი თოვლის წარმოქმნას ნოემბრის თვიდან მარტის ბოლომდე.

აჭარის მაღალმთიანეთი განსაკუთრებით მიმზიდველია იმ ადამიანებისთვის ვისაც უყვარს მთები, იტაცებს თხილამურებით სრიალი ან სნოუბორდი. აქ ყველაზე მაღალი მწვერვალები დაახლოებით 3000 მეტრს აღწევს. სრულიად ხელუხლებელ მთიან ლანდშაფტი გელოდებათ გოდერძის სათხილამურო კურორტის სახით, სადაც დაგხვდებათ საუკეთესო სათხილამურო ტრასა. სათხილამურო სეზონი კურორტ გოდერძიზე მარტის ბოლომდე გრძელდება.

გოდერძის სათხილამურო კურორტი ბათუმიდან 110 კმ-ში, დაახლოებით 3 საათნახევრის სავალ მანძილზე მდებარეობს, შავი ზღვის სიახლოვის შედეგად, გოდერძის სათხილამურო კურორტზე  ჭარბი თოვლი მოდის, ხშირად 2-3 მეტრამდე. კურორტი გთავაზობთ ორი სხვადასხვა სირთულის 6 ადგილიან  ბაბლის ტიპის და 8 ადგილიან გონდოლას ტიპის საბაგიროებს, ლამაზ ფერდობებსა და შესანიშნავ სათხილამურო პირობებს.

საბაგიროთი ასვლის გარდა, შეგიძლიათ სცადოთ კეიზბორის მანქანის დახმარებით იგივე „ქეთ სქი“ (CAT SKI) სრიალი. კურორტმა გოდერძიმ საქართველოში პირველმა დანერგა სრიალისთვის კეიზბორის მანქანის გამოყენება.

თუკი ზამთარი ბათუმში ზომიერი ჰავითა და ტემპერატურით გამოირჩევა, მთიან აჭარაში იგი საკმაოდ მკაცრი და ჭარბთოვლიანია. თოვლი აქ გვიან გაზაფხულამდე ნარჩუნდება. მაღალმთიანი აჭარა უხვთოვლიანობით გამოირჩევა, რაც საოცრად მიმზიდველია წლის ამ პერიოდში. ზამთრის კურორტებზე დასვენების მოყვარულებისთვის, თეთრი, ფაფუკი თოვლისა და სუფთა ჰაერის გარდა, კურორტი „გოდერძი“ მათ ზამთრის ფესტივალებითაც ანებივრებს.

გოდერძის ცენრალური ტერიტორიის ირგვლივ განლაგებული კვების ობიექტები მყუდრო გარემოს ქმნიან.  აქვე იმართება ზამთრისთვის დამახასიათებელი სპორტული აქტივობები და შეჯიბრებები, სტუმრების სასიამოვნო განწყობაზე კი, მთელი დღის განმავლობაში  მომღერლები. საღამოს საათებში ელექტრონული მუსიკის დრო დგება, რომელსაც ადგილობრივი დიჯეების შესრულებით.